Dy ditë pas një takimi të befasishëm të Adriatik Llallës në prokurorinë e Durrësit vjen goditja për policinë dhe doganën e këtij qyteti. Burime të GSH.al thanë se në Doganën e Durrësit janë arrestuar mbi 10 doganierë dhe policë të Antidrogës. Dyshohet se arrestimet kanë lidhje me drogën që u kap në Ankona të Italisë disa ditë më parë.
Si rrjedhojë është arrestuar i gjithë turni i doganierëve dhe drejtuesit etyre.
Mes të arrestuarve mësohet se janë zyrtarë të lartë të Kufirit dhe Portit. Arrestimet po mbahen sekrete sikurse edhe emrat e zyrtareve të vënë në pranga.
Mendohet se lënda narkotike ka kaluar nga Durrësi në drejtim të shtetit italian. Priten akoma të tjera detaje nga kapja e drogës dhe po ashtu arrestimet që ka sjellë lënda narkotike në Durrës.
